வவுனியா பிரதேச செயலகத்தால் ஒழுங்கு செய்யப்பட்ட 2013ம் ஆண்டுக்கான வவுனியா பிரதேச விளையாட்டுப் போட்டிகள் நேற்றைய தினம் வவுனியா நகரசபை மைதானத்தில் இடம்பெற்றது.
வருடம் தோறும் நடைபெற்று வரும் இந்த விளையாட்டுப் போட்டிகளில் இவ்வருடத்திற்கான சம்பியன்களாக வவுனியா யங்ஸ்டார்ஸ் விளையாட்டுக் கழகம் தெரிவானது. இரண்டாவது இடத்தினை வவுனியா நியூலைன்ஸ் விளையாட்டுக் கழகம் கைப்பற்றியது.
11 விளையாட்டு நிகழ்வுகளை உள்ளடக்கியதாக நடைபெற்ற இந்த விளையாட்டு விழாவில், சிறந்த மெய்வல்லுனர் கள வீரராக என். சர்மிளனும், சிறந்த மெய்வல்லுனர் கள வீராங்கனையாக வை. மயூரியும் தெரிவு செய்யப்பட்டனர்.
சிறந்த மெய்வல்லுனர் தடகள வீரராக B. பிரசாந்தும், , சிறந்த மெய்வல்லுனர் தடகள வீராங்கனையாக கே. லேகாஷினியும் தெரிவு செய்யப்பட்டனர்.
அதிசிறந்த திறமையை வெளிப்படுத்திய மெய்வல்லுனர் வீராங்கனையாக கே. லோகஷினி தெரிவு செய்யப்பட்டார்.
