லண்டனை சேர்ந்த 22 வயது இளைஞர் ஒருவர் தொடர்ந்து 26 மணி நேரம் துடுப்பெடுத்தாடி புதிய கின்னஸ் சாதனையை படைத்துள்ளார். இவர் லண்டனில் உள்ள ஓவல் கிரிக்கெட் மைதானத்திலேயே இந்த சாதனையை புரிந்துள்ளார்.
அல்பி ஷாலி, எனும் இவர் திங்கட்கிழமை அன்று காலை 6.45 மணிக்கு துடுப்பெடுத்தாட தொடங்கி செவ்வாய் அன்று காலை 8.45 மணிக்கு சாதனையை நிறைவு செய்தார்.
நியூ காஸில் பல்கலைகழகத்தில் பட்டபடிப்பை முடித்துள்ள அல்பி ஷாலி, இந்த சாதனையை முடித்த அடுத்த நிமிடம் தரையில் மயங்கி விழுந்தார். 26 மணி நேரம் தொடர்ந்து துடுப்பெடுத்தாடுவதற்கு சுமார் 200 பந்துவீச்சாளர்களை சந்தித்த ஷாலிக்கு இங்கிலாந்து பிரதமர் டேவிட் கேமரூனும் சில பந்துகளை வீசினார்.
இதற்கு முன்னர் 25 மணிநேரம் தொடர்ந்து துடுப்பெடுத்தாடி அவுஸ்திரேலியாவை சேர்ந்த ஜேட் சைல்ட் என்பவர் சாதனை புரிந்திருந்தார் என்பது குறிப்பிடத்தக்கது.
