AIA காப்புறுதி நிறுவனமானது தொடர்ந்து மூன்றாவது ஆண்டாக AIA Cricket Champions எனும் துடுப்பாட்டப் போட்டியினை கடந்த 5 ஆம் திகதி வவுனியா நகரசபை மைதானத்தில் நடாத்தியது.
வவுனியா மண்ணில் செயற்பட்டுவரும் காப்புறுதி நிறுவனங்களுக்கு இடையிலான இந்த போட்டி அணிக்கு ஆறு பேர் கொண்ட ஐந்து பந்து பரிமாற்றங்களுடன் மட்டுபடுத்தப்பட்ட போட்டியாக நடைபெற்றது.
மொத்தமாக ஏழு அணிகள் இதில் பங்கு பற்றி இறுதிப்போட்டிக்கு AIA (A) அணியினரும் MBSL Insurance அணியினரும் தேர்வுசெய்யப்பட்டனர்.
இறுதிப்போட்டியில் முதலில் துடுப்பெடுத்து ஆடிய AIA (A) அணி ஐந்து பந்துப் பரிமாற்றங்கள் நிறைவில் 32 ஓட்டங்களை இலக்காக நிர்ணயித்தது.
தொடர்ந்து ஆடிய MBSL அணி மூன்று பந்துப் பரிமாற்றங்கள் நிறைவில் இரண்டு இலக்குகளை மட்டும் இழந்து இந்த போட்டியில் வெற்றி பெற்றது.
தொடருக்கான ஆட்ட நாயகன் விருதையும், போட்டிக்கான ஆட்ட நாயகன் விருதையும் MBSL அணியில் அசங்க பெற்றுகொண்டார்.
