பிரித்தானிய மேற்கு யோர்க் ஷியரைச் சேர்ந்த 2 வயது சிறுமியொருவர் உயிராபத்து விளைவிக்கக் கூடிய 15 அடி நீளமான மலைப்பாம்புடன் எதுவித அச்சமுமின்றி பழகி வருகிறார்.
அலிஷா மே கொவன் என்ற மேற்படி சிறுமியின் பெற்றோர் தமது வீட்டில் 19 பாம்புகளை செல்லப்பிராணிகளாக வளர்த்து வருகின்றனர். 182 இறாத்தல் நிறையுடைய மேற்படி 8 வயதான மலைப் பாம்பு அந்த குடும்பத்தில் ஒரு அங்கமாக மாறியுள்ளது.
அலிஷா அந்த மலைப் பாம்பை சாதுவான செல்லப்பிராணியைப் போன்று பாவித்து கட்டியணைத்து முத்தமிடுவதை வழக்கமாகக் கொண்டுள்ளார்.
காடுகளில் இந்த வகை மலைப்பாம்புகள் பன்றிகள், மான்கள் மற்றும் ஏனைய பிராணிகளை முழுமையாக விழுங்கி வருகின்றமை குறிப்பிடத்தக்கது.
