கவாஸ்கருடன் இணைந்து மும்பை அணியை வாங்கினார் நாகார்ஜுன்!!

இந்தியன் பிறீமியர் லீக் கிரிக்கெட் போட்டிகளைப்போல தற்போது மற்ற விளையாட்டுகளிலும் லீக் போட்டிகள் நடைபெற தொடங்கி விட்டன.

இந்தியன் ஹொக்கி லீக் நடைபெற்றதைத் தொடர்ந்து இந்திய பேட்மின்டன் லீக் போட்டி ஆகஸ்ட் 14ம் திகதி முதல் 31ம் திகதி வரை நடைபெற உள்ளது. டெல்லி, லக்னோ, மும்பை, புனே, பெங்களூர், ஐதராபாத் ஆகிய 6 நகரங்களில் இந்தப்போட்டி நடைபெற உள்ளது.

இந்த போட்டியில் விளையாடும் மும்பை மாஸ்டர்ஸ் அணியை இந்திய கிரிக்கெட் அணியின் முன்னாள் அணித்தலைவரும், தொலைக்காட்சி வர்ணனையாளருமான கவாஸ்கர், நடிகர் நாகார்ஜுன் இந்திய கிரிக்கெட் அணியின் முன்னாள் மேனேஜர் சாமுண்டி ஆகியோர் வாங்கியுள்ளனர்.

இது குறித்த அதிகாரபூர்வ அறிவிப்பு 22ம் திகதி வெளியிடப்படும். இதேபோல புனே அணியை பர்மன் குடும்பத்தினர் புனே பிஸ்டன்ஸ் வாங்கியுள்ளன. ஒவ்வொரு அணியும் 11 வீரர்களை ரூ.1 கோடிக்கு வாங்கி கொள்ளலாம்.