சர்வதேச விண்வெளி நிலையத்தில் தங்கியுள்ள ஜப்பானிய விண்வெளிவீரரான சிமியா யுயியும் அமெரிக்க விண்வெளிவீரர்களான ஸ்கொட் கெல்லி மற்றும் கஜெல் லின்ட்கிரென் ஆகியோர் முதல் தடவையாக அந்த விண்வெளிநிலையத்தில் வளர்ச்சியடையச் செய்யப்பட்ட கீரை வகையை உண்பதை படத்தில் காணலாம்.
கீரை வகை தாவரமான லெட்ரூஸ் தாவரம் கடந்த ஜூலை மாதம் சர்வதேச விண்வெளிநிலையத்திலுள்ள “வெஜ்1” என்றழைக்கப்படும் விசேட தாவர பரிசோதனை முறைமையில் வளர்ச்சியடையச் செய்யப்பட்டிருந்தது.
எதிர்காலத்தில் செவ்வாய் போன்ற தூர கிரகங்களுக்கு நீண்ட கால பயணங்கள் மேற்கொள்ளப்படும் பட்சத்தில் அந்தப் பயணங்களில் பங்கேற்கும் விண்வெளிவீரர்களின் உணவுத் தேவைப்பாடுகளுக்கு உதவும் முகமாகவே சர்வதேச விண்வெளி நிலையத்திலான இந்த பரீட்சார்த்த லெட்ரூஸ் செய்கை மேற்கொள்ளப்பட்டிருந்தது.
