அவுஸ்திரேலிய கிரிக்கெட் அணி இங்கிலாந்தில் சுற்றுப்பயணம் செய்து ஆஷஸ் டெஸ்ட் தொடரில் விளையாடி வருகிறது. 5 போட்டி தொடரில் கார்டிப்பில் நடந்த முதல் டெஸ்டில் இங்கிலாந்து 169 ஓட்டங்களால் வெற்றி பெற்றது. லோர்ட்ஸ் மைதானத்தில் நடந்த 2ஆவது டெஸ்டில் 405 ஓட்டங்களால் வெற்றிபெற்று அவுஸ்திரேலியா பதிலடி கொடுத்தது.
ஆனால் 3ஆவது மற்றும் 4ஆவது டெஸ்ட் போட்டியில் இங்கிலாந்து ஆதிக்கம் செலுத்தியது. பர்மிங்காம் டெஸ்டில் 8 விக்கெட் வித்தியாசத்திலும்இ நாட்டிங் கோம் டெஸ்டில் இன்னிங்ஸ் மற்றும் 78 ஓட்டங்கள் வித்தியாசத்திலும்வென்று தொடரை கைப்பற்றியது.
இரு அணிகள் மோதும் 5ஆவது மற்றும் கடைசி டெஸ்ட் ஓவல் மைதானத்தில் இன்று தொடங்குகிறது. இங்கிலாந்தின் ஆதிக்கம் இந்த டெஸ்டிலும் நீடிக்கும் என்று எதிர்பார்க்கப்படுகிறது. அந்த அணி இந்தப்போட்டியில் வென்று டெஸ்ட் தொடரை 4–1 என்ற கணக்கில் கைப்பற்றும் ஆர்வத்தில் உள்ளது. தொடரை இழந்த அவுஸ்திரேலியா தொடர் தோல்விக்கு முற்றுப்புள்ளி வைக்க கடுமையாக போராடும்.
இந்தப் போட்டியோடு சர்வதேச கிரிக்கெட்டலிருந்து ஓய்வு பெறும் ஆஸி. அணித் தலைவர் கிளார்க், ரோஜர்ஸ் ஆகியோருக்காக இந்த டெஸ்ட்டை வெற்றி பெற வேண்டும் என்ற வேட்கையில் அவுஸ்திரேலியா உள்ளது. இருவரும் இந்த டெஸ்டோடு ஓய்வு பெறுகிறார்கள்.