கார்த்தி – ஹன்சிகா இருவரும் ஜோடியாக நடித்துள்ள படம் பிரியாணி. வெங்கட்பிரபு இந்தப் படத்தை இயக்கி உள்ளார். ஸ்டுடியோ க்ரீன் நிறுவனம் தயாரித்துள்ளது.
திரில் கலந்த காமெடியுடன் இந்தப் படம் எடுக்கப்பட்டுள்ளது.
யுவன் சங்கர் ராஜா இசை அமைத்துள்ளார். இது யுவனுக்கு 100வது படம்.
இந்தப் படத்தில் கவிஞர் வாலி எழுதிய பாடலை கார்த்தியும், பிரேம்ஜியும் பாடியுள்ளனர். கூடுதலாக இயக்குநர் வெங்கட்பிரபுவும் அந்தப் பாடலுக்கு ஜதி சொல்லியிருக்கிறார்.
படத்தில் பெரும்பாலான வேலைகள் முடிந்துவிட்டதாம். ஒரு பாடல் மற்றும் கொஞ்ச வேலைகள் மட்டுமே பாக்கி இருக்கிறதாம். அந்த வேலைகளையும் முடித்துவிட்டு செப்டம்பர் 6-ம் தேதி படத்தை ரிலீஸ் செய்ய முடிவெடுத்துள்ளாராம் வெங்கட்பிரபு.
