இரண்டாவது மாடியிலிருந்த தனது வீட்டின் வாசல் கதவு மூலம் வெளியேற முடியாது சிரமப்பட்ட உடல் பருமனான பெண்ணொருவரை தீயணைப்புப் படைவீரர்கள் பெரும் போராட்டத்தை எதிர்கொண்டு இராட்சத வலை மூலம் மீட்ட சம்பவம் அமெரிக்க நியூயோர்க் நகரில் இடம்பெற்றுள்ளது.
910 இறாத்தல் நிறையுடைய மேரி போவ்மான் (70 வயது) என்ற மேற்படி பெண், தனது உடல் பருமன் காரணமாக கடந்த வருடம் செப்டெம்பர் மாதத்திலிருந்து தனது வீட்டை விட்டு வெளியேற முடியாது அடைபட்டிருந்துள்ளார்.
இந்நிலையில் உடல் நலம் பாதிக்கப்பட்ட அவரை மருத்துவமனைக்கு அழைத்துச் செல்ல அவரது குடும்பத்தினர் முயற்சித்த போது, அவரது உடல் வீட்டு வாசல் கதவின் அகலத்தை விடவும் பெரிதாக இருந்ததால் அவரை அங்கிருந்து வெளியேற்ற முடியாத நிலை ஏற்பட்டது.
இந்நிலையில் குடும்ப உறுப்பினர்கள் உதவி கோரி அவசரசேவைப் பிரிவினருக்கு அழைப்பு விடுத்ததையடுத்து, சம்பவ இடத்திற்கு வந்த தீயணைப்புப் படைவீரர்கள் பாரந்தூக்கி உபகரணம் மற்றும் பாரிய வலை என்பவற்றைப் பயன்படுத்தி அவரை அவரது வீட்டிலிருந்து வெளியேற்றினர். இதனையடுத்து அவர் மருத்துவமனைக்கு கொண்டு செல்லப்பட்டார்.
இது தொடர்பில் மேரி பிறவுண் கண்ணீருடன் விபரிக்கையில், தான் உயிர் வாழ விரும்புவதாகவும் அதற்காக தனது உடல் நிறையைக் குறைக்க எதிர்பார்ப்பதாகவும் கூறினார்.