பார்ப்பவர்களின் கவனத்தை ஈர்க்கவோ அல்லது அவரது பார்வையை திசை திரும்ப வைக்கவோ கூடிய வகையில் தனது தோற்றத்தை தன்னிச்சையாக மாற்றிக் கொள்ளும் மேலாடையொன்றை வடிவமைப்பாளர் ஒருவர் உருவாக்கி சாதனை படைத்துள்ளார்.
தென் கலிபோர்ணிய பல்கலைக்கழகத்தில் கலாநிதிப் பட்டப்படிப்பை மேற்கொண்டு வரும் பெஹனாஸ் பராஹி என்ற மேற்படி வடிவமைப்பாளரால் முப்பரிமாண அச்சிடும் தொழில்நுட்பத்தை பயன்படுத்தி வடிவமைக்கப்பட்ட இந்த ஆடையிலுள்ள நுண் புகைப்படக்கருவிகள் மற்றும் உணர்கருவிகள், அந்த ஆடையை அணிபவர்களை பார்ப்பவர் ஆணா அல்லது பெண்ணா என்பதை இனங்கண்டறிந்து அவரது பார்வையின் தீவிரத்திற்கு ஏற்ப தனது தோற்றப்பாட்டை சுயமாக மாற்றிக் கொள்கிறது.
