உணவகமொன்றில் வாங்கிய உணவில் போலி பல் தொகுதியொன்றைக் கண்டு பெண்ணொருவர் அதிச்சியடைந்த சம்பவம் ஹொங்கொங்கில் இடம்பெற்றுள்ளது.
தென் ஹொங்கொங்கில் தஸ் வான் சான் பிரதேசத்திலுள்ள பிரபலமான சுஷி எக்ஸ்பிரஸ் என அழைக்கப்படும் உணவக வலைப் பின்னலில் குறிப்பிட்ட பெண்ணின் மகள் அந்த உணவுப் பொதியை வாங்கியிருந்தார்.
இந்நிலையில் உணவுப் பொதியில் போலி பற்களின் தொகுதியைக் கண்டு அதிர்ச்சியடைந்த அந்தப் பெண், உணவக நிர்வாகத்திடம் முறைப்பாடு செய்துள்ளார்.
இது தொடர்பில் தாய்வானை அடிப்படையாகக் கொண்டு செயற்படும் அந்த உணவகத்தின் முகாமையாளர் தெரிவிக்கையில், தமது உணவகத்தில் பணியாற்றும் எவருமே போலிப் பல் தொகுதியை அணிபவர்கள் அல்லர் எனவும் எவ்வாறு அந்தப் பல் தொகுதி உணவுப் பொதிக்குள் வந்தது என்பது ஆச்சரியமாக உள்ளதாகவும் தெரிவித்தார்.
இந்த விவகாரம் குறித்து தாம் விசாரணைகளை மேற்கொண் டுள்ளதாக அவர் கூறினார்.