அமெரிக்க எயார்லைன்ஸ் விமானமொன்றில் பயணம் செய்வதற்கு சக்கர வண்டியில் அழைத்துவரப்பட்ட மிகவும் பருமனான நாயொன்று ஒரு மன்னர் போன்று நடத்தப்பட்டமை அங்கிருந்தவர்கள் அனைவரதும் கவனத்தையும் ஈர்த்துள்ளது.
ஹாங் என்றழைக்கப்படும் மேற்படி நாய் அதன் உரிமையாளரான காரி விட்மான் சகிதம் மேற்படி விமானத்தின் முதல் வகுப்பில் டென்வர் பிராந்தியத்திலிருந்து லொஸ் ஏஞ்சல்ஸ் நகருக்கு பயணத்தை மேற்கொண்டுள்ளது. உள்ளக வடிவமைப்பாளராக பணியாற்றும் காரி விட்மான், அமெரிக்க கலிபோர்னிய மாநிலத்தில் செயற்பட்டு வரும் துஷ்பிரயோகத்துக்குள்ளாகும் நாய்களை மீட்பதில் ஈடுபட்டு வரும் ‘ஏக் ஒப் ஹார்ட்ஸ் டோக் ரெஸ்கியூ’ அமைப்பின் ஸ்தாபகராவார்.
உடல் பருமன் காரணமாக கடும் நோய்வாய்ப்பட்டு நகர முடியாத நிலையில் இருந்த அந்த நாயை அழைத்து வருவதற்கு மெத்தையாலான மேற்பரப்பைக் கொண்ட ஆடம்பர சக்கரவண்டி பயன்படுத்தப்பட்டி ருந்தது. விமான நிலையத்துக்கு அழைத்து வரப்பட்ட அந்த நாயால் கவரப்பட்ட விமான நிலைய ஊழியர்கள், அதனுடன் இணைந்து புகைப்படங்களை எடுத்துக் கொள்வதில் ஆர்வம் காட்டியுள்ளனர்.
மேற்படி நாய் அந்த விமானத்தில் முதல் வகுப்பில் முதல் வரிசையில் தனது எஜமா னியின் அருகில் அமர்ந்து பயணத்தை மேற்கொண்டுள்ளது.