ஒரு கல் ஒரு கண்ணாடி படத்தின் வெற்றிக்குபின் ராசியான நடிகை பட்டியலில் சேர்க்கப்பட்ட ஹன்சிகாவுக்கு மள மளவென்று முன்னணி ஹீரோக்களின் படங்கள் கிடைத்தன.
சில இயக்குனர்கள் ஹன்சிகாவின் குண்டான உடம்பை குறைக்குமாறு அறிவுறுத்தினர். அதனால், மாதக்கணக்கில் உடற்பயிற்சி செய்தும், உணவு கட்டுப்பாட்டை கடைபிடித்தும், மற்றவர்கள் ஆச்சர்யப்படும் அளவுக்கு சேட்டை படத்தில் காட்சியளித்தார்.
அதையடுத்து உடற்பயிற்சியை நிறுத்தியதால் இப்போது மீண்டும் உடல் குண்டாகி விட்டதாம். இதனால், மறுபடியும் தீவிர பயிற்சி மூலம் 10 கிலோ வரை எடை குறைந்துள்ள அவர் உடம்பை சீராக வைத்திருக்க தினமும் நீச்சல் பயிற்சி எடுக்கிறாராம். மனதை கட்டுக்குள் வைத்துக் கொள்ள யோகா பயிற்சியும் செய்கிறாராம்.
