ரஷ்யாவின் பயணிகள் விமானம், கடந்த மூன்று நாட்களுக்கு முன், எகிப்தின் சினாய் பகுதியில், மர்மமான முறையில், நொறுங்கி விழுந்தது.
அதில் பயணித்த, 224 பயணிகளும் பரிதாபமாக உயிரிழந்தனர். இதையடுத்து இந்த விமானத்தை தங்கள் அமைப்பு சுட்டு வீழ்த்தியதாக ஐ.எஸ் அமைப்பு அறிவித்தது.
எனினும் ரஷ்யா இதனை ஏற்றுக்கொள்ள மறுத்திருந்தது. 33 ஆயிரம் அடி உயரத்தில் பறந்து கொண்டிருக்கும் விமானத்தை சுட்டு வீழ்த்தும் திறன் கொண்ட ஏவுகணைகள் ஐ.எஸ். அமைப்பிடம் கிடையாது என்று ரஷ்யா கூறியது.
இந்த நிலையில் ரஷ்ய பயணிகள் விமானத்தை சுட்டு வீழ்த்தியதற்கான வீடியோ ஆதரத்தை ஐ.எஸ். அமைப்பு தற்போது வெளியிட்டுள்ளது. எனினும் இந்த வீடியோ ஆதாரத்தையும் ரஷ்யா ஏற்றுக் கொள்ள மறுத்துள்ளது.
ஐ.எஸ். தீவிரவாதிகள் வெளியிட்டுள்ள இந்த வீடியோ ஆதாரம் போலியானது மட்டுமல்ல, நகைப்புக்குரியதும்கூட என ரஷ்யா விமானப்படை அதிகாரிகள் தெரிவித்துள்ளனர்.
