ரஷ்யாவைச் சேர்ந்த 6 வயதான ஒரு சிறுமியின் இதயம் உடலின் வெளிப்புறத்தில் உள்ளது. வீர்சவியா பொருன் கொன்சாரோவா எனும் இச்சிறுமி, இதயம் வெளிப்புறமாக இருந்த நிலையில் பிறந்த போதிலும் உற்சாகமானவளாக காணப்படுகிறாள். நடன ஆற்றல் மூலமும் அவள் பலரை கவர்ந்துள்ளாள். 10 இலட்சம் பேரில் ஒருவர் இவ்வாறான இதயத்துடன் பிறக்கக்கூடும் எனக் கூறப்படுகிறது.
ரஷ்யாவிலுள்ள பல வைத்தியசாலைகள் இச்சிறுமிக்கு சத்திரசிகிச்சை செய்து இதயத்தை உரிய இடத்தில் வைப்பதற்கு தயக்கம் தெரிவித்துள்ளன. இச்சத்திரசிகிச்சை மிக ஆபத்தானது என்பதே இதற்குக் காரணம். இந்நிலையில், இச்சிறுமியை அமெரிக்காவுக்கு அழைத்துச் சென்று சிகிச்சையளிப்பதற்கு இச்சிறுமியின் தாயாரான தாரி போருன் தீர்மானித்துள்ளார். “எனது தாயார் எனது இதயத்தை அடிக்கடி தொடுவார். ஏனெனில் அவர் அதை மிகவும் விரும்புகிறார். “நான் பாடசாலைக்கோ பாலே நடன வகுப்புக்கோ செல்லவில்லை. ஆனால், இவற்றை வீட்டிலேயே செய்கிறேன்” என்கிறார் இச்சிறுமி.
