மிர்ச்சி சிவா – ப்ரியா ஆனந்த் ஜோடியாக நடித்திருக்கும் படம் வணக்கம் சென்னை. கிருத்திகா உதயநிதி இந்தப் படத்தின் மூலம் இயக்குநராக அறிமுகமாகிறார்.ரெட் ஜெயண்ட் மூவிஸ் நிறுவனம் இந்தப் படத்தைத் தயாரித்துள்ளது. அனிருத் இந்தப் படத்திற்கு இசை அமைத்துள்ளார்.
ஏ.ஆர்.ரஹ்மான், ஹாரிஸ் ஜெயராஜ், யுவன்சங்கர் ராஜா போன்ற இசை அமைப்பாளர்களுக்கு மட்டுமே முன்னுரிமை கொடுத்த வந்த சொனி நிறுவனம் முதன்முறையாக அனிருத்தின் பாடல் உரிமையை வாங்கி இருக்கிறது.
அனிருத் ஏற்கெனவே இசை அமைத்திருந்த 3, எதிர்நீச்சல் படங்களின் பாடல்கள் சூப்பர் ஹிட்டாகி இருப்பதால், சொனி நிறுவனத்தின் பார்வை அனிருத் மீது பட்டிருக்கலாம் என்கிறார்கள். கொலவெறி பாடலின் ஹிட்டும் இதற்கு காரணமாக இருக்கலாம்.
வணக்கம் சென்னையில் இடம்பெற்றுள்ள ஓ பெண்ணே.. பாடலின் டீஸர் ஒரு மாதத்துக்கு முன்பு வெளியாகி எதிர்பார்ப்பை எகிற வைத்த நிலையில் இன்று படத்தின் இசை வெளியிடப்பட்டது.
படத்தில் மொத்தம் 7 பாடல்கள் உள்ளன. இவற்றில் 5 பாடல்களை அனிருத்தே பாடியுள்ளார். அதுவும் ஆண்ட்ரியாவுடன் இணைந்து அவர் பாடிய எங்கடி பொறந்த பாடல் தான் சூப்பர் ஹிட் என்கிறார்கள்.
