கொலிவுட்டில் வேல்முருகன் போர்வெல்ஸ் படத்தை தயாரித்து வரும் கொமடி நடிகர் கஞ்சா கருப்பிற்கு மனுக்கள் குவிந்து வருகிறதாம்.
அங்காடி தெரு மகேஷ் நாயகனாகவும் ஆருஷி நாயகியாகவும் நடிக்கும் இப்படத்தில் கஞ்சா கருப்பு முக்கிய கதாபாத்திரத்தில் வருகிறார்.
இப்படத்தின் படப்பிடிப்பு சிவகங்கை, காரைக்குடி, நாட்டரசன் கோட்டை ஆகிய இடங்களில் நடந்து வருகிறது. இப்படத்திற்காக ரூ.20 லட்சம் செலவில் ஒரு புது போர்வெல் லொரியை கஞ்சா கருப்பு வாங்கி இருக்கிறாராம்.
படப்பிடிப்பு இல்லாத நேரங்களில் தண்ணீர் இல்லாத ஊர்களுக்கு லொரியைக் கொண்டு சென்று போர்வெல் போட்டுக் கொடுக்கிறாராம்.
இதுவரை 12 ஊர்களில் 50 போர்வெல் போட்டுக் கொடுத்திருக்கும் கஞ்சா கருப்பிற்கு மேலும் போர்வெல் போடச் சொல்லி 100க்கும் மேற்பட்ட மனுக்கள் குவிந்து வருகிறதாம்.
