இந்தியா– சிம்பாவே அணிகள் மோதும் மூன்றாவது ஒருநாள் போட்டி ஹராரேயில் இன்று நடக்கிறது. இந்திய அணி ஹட்ரிக் வெற்றி பெறுமா? என்று ரசிகர்களால் ஆவலுடன் எதிர்பார்க்கப்படுகிறது. அதே நேரத்தில் சிம்பாவே அணி ஒரு ஆட்டத்திலேனும் வெற்றி பெரும் நோக்கில் உள்ளது.
சிம்பாவே அணிக்கு எதிரான 5 ஒருநாள் போட்டி தொடரில் இதுவரை நடந்த 2 ஆட்டத்திலும் இந்தியா வெற்றி பெற்றது. முதல் ஆட்டத்தில் 6 விக்கெட் வித்தியாசத்திலும், இரண்டாவது போட்டியில் 58 ஓட்டங்கள் வித்தியாசத்திலும் வெற்றி பெற்றது. இதன்மூலம் இந்தியா 2–0 என்ற கணக்கில் முன்னணியில் உள்ளது.
இதேவேளை இந்தியா- சிம்பாவே அணிகள் மோதும் நான்காவது ஒருநாள் போட்டி வரும் 31ம் திகதி நடைபெற இருந்தது. ஆனால் பொதுதேர்தல் காரணமாக ஆட்டம் ஓகஸ்ட் 1ம் திகதிக்கு தள்ளி வைக்கப்பட்டுள்ளது.
