விளையாட்டு மருத்துவத்துக்கான சென்னை ராயப்பேட்டையில் ஆர்தோமெட் மருத்துவமனை அமைக்கப்பட்டுள்ளது. இந்த மருத்துவமனையில் விளையாட்டு வீரர்களுக்கான இலவச மருத்துவ திட்டத்தை இந்திய கிரிக்கெட் அணியின் முன்னணி சுழற்பந்து வீச்சாளர் அஸ்வின் தொடங்கி வைத்து பேசினார்.
அப்போது அவர் கூறுகையில்,
விளையாட்டு வீரர்கள் காயத்தை எளிதாக நினைக்காமல் உடனடியாக அதற்கு சிகிச்சை பெற வேண்டும். மேலும் காயத்துக்கு வைத்தியர்களின் ஆலோசனை இல்லாமல் மாத்திரை சாப்பிட்டால் ஊக்க மருந்து பிரச்சினைக்கு உள்ளாக நேரிடும்.
விளையாட்டுச் சங்கங்கள் தொழில்முறை ரீதியாக செயல்பட வேண்டும். அப்படி செயல்படுவதால் தான் வெளிநாடுகளில் திறமையான வீரர்கள் அதிக அளவில் உருவாகிறார்கள் என்று தெரிவித்தார்.
