பிரபல நடிகை தேவிகாவின் மகளும், நடிகையுமான கனகா இன்று காலமானார். அவருக்கு வயது 40. சமீபத்தில் தமிழ் மற்றும் மலையாள திரையுலகைச் சேர்ந்த பழைய பிரமுகர் ஒருவர் ஆலப்புழாவில் உள்ள ஒரு தனியார் மருத்துவமனைக்கு சிகிச்சைக்கு சென்றார்.
அது அனாதைகள் மற்றும் கவனிப்பாரின்றி அவதிப்படுவோரை பராமரித்து சிகிச்சை அளிக்கும் மருத்துவமனையாகும். இங்கு புற்று நோயால் அவதிப்படுபவர்களுக்கு சிகிச்சை அளிக்கப்பட்டு வருகிறது. அங்கு நடிகை கனகாவும் சிகிச்சை பெறுவதை கண்ட அவர் அதிர்ச்சியடைந்து, விஷயத்தை வெளியில் சொன்னார்.
அதன் பிறகுதான் கனகா கேரளாவில் உள்ள ஆலப்புழா மருத்துவமனையில் சிகிச்சை பெறுவது தெரியவந்தது. இந்தநிலையில் புற்று நோயால் பாதிக்கப்பட்டு சிகிச்சை பெற்று வந்த நடிகை கனகா இன்று பிற்பகலில் சிகிச்சை பலனின்றி உயிரிழந்தார்.
மறைந்த பழம்பெரும் நடிகை தேவிகாவின் மகளான கனகா, கரகாட்டக்காரன் படத்தில் கதாநாயகியாக அறிமுகமானார். கரகாட்டக்காரன் படம் தமிழகம் முழுவதும் பட்டி தொட்டி எங்கும் ஓடி வெற்றிவாகை சூடியது. இந்தப் படத்திற்குப் பிறகு, கனகா தமிழ் மட்டுமின்றி மலையாளம், கன்னடம், தெலுங்கிலும் பிஸியானார்.
தமிழில் ரஜினியுடன் அதிசயபிரவி, விஜயகாந்த்துடன் கோயில்காளை, பிரபு, கார்த்திக், ராம்கி உட்பட முன்னணி நடிகர்களுடன் கதாநாயகியாக நடித்துள்ளார். கனகா முகேஷ்யுடன் இணைந்து நடித்த காட்பாதர் என்ற படம் கேரளாவில் 200 நாட்களையும் தாண்டி ஓடி சாதனை புரிந்தமை குறிப்பிடத்தக்கது.
கனகா கடைசியாக நடித்தது ஒரு மலையாளப் படத்தில். அது 2004ல் வெளியானது. அதன் பிறகு கனகா பற்றிய எந்தவொரு தகவலும் வெளிவரவில்லை என்பது குறிப்பிடத்தக்கது.
