சர்வதேச மகளிர் தினத்தை முன்னிட்டு பெண் ஊழியர்களை மட்டுமே வைத்து டெல்லியில் இருந்து அமெரிக்காவின் சான்பிரான்ஸிஸ்கோ வரை விமானத்தை இயக்க ஏர் இந்தியா முடிவு செய்துள்ளது.
சர்வதேச மகளிர் தினம் மார்ச் 8ஆம் திகதி கொண்டாடப்படவுள்ளது. இதையடுத்து அன்றயை தினம் பெண்களை மட்டுமே வைத்து 20 விமானங்களை உள்நாட்டில் இயக்க ஏர் இந்தியா முடிவு செய்துள்ளது.
தற்போது பெண்களை மேலும் கௌரவிக்கும் வகையில் முழுக்க முழுக்க பெண்கள் மட்டுமே உள்ள குழு ஒன்றை வைத்து டெல்லியில் இருந்து அமெரிக்காவின் சான்பிரான்ஸிஸ்கோவுக்கு விமானத்தை இயக்கவுள்ளது.
இந்த விமானம் மார்ச் 6ஆம் திகதியான இன்று இயக்கப்படவுள்ளது.
கேப்டென் சம்தா பாஜ்பாய் தலைமையில் 14 பேர் கொண்ட பெண்கள் குழு இந்த விமானத்தை இயக்கவுள்ளது.
இதன் மூலம் பெண்கள் மட்டுமே இயக்கும் நீண்ட தூர விமான பயணம் இது என்ற சாதனையை ஏர் இந்தியா படைக்கவுள்ளது.
