டிவிட்டர் இணையத்தில் நடிகர்களின் பெயர்களில் போலி கணக்குகள் தொடங்கி அதில் அவர்கள் நடிக்கும் படங்களின் தகவல்களை வெளியிட்டு பீதியை கிளப்புவது வாடிக்கையாகிவிட்டது. இதில் புதிதாக சிக்கியிருப்பது நடிகர் ஆர்யா.
டிவிட்டர் இணையத்தில் (https://twitter.com/aryaactor) என்ற பெயரில் ஆர்யா இயங்கி வருவதாக தகவல்கள் வெளியானது.
அதில் அஜித்துடன் ஆர்யா நடித்து வரும் ஆரம்பம் படத்தின் இசை வெளியீடு எப்போது நடைபெறும் என்ற தகவல் வெளியானதில் இருந்து தான் சிக்கல் ஆரம்பித்து இருக்கிறது.
அந்த இணையத்தில் அனைவருமே ஆரம்பம் இசை வெளியீடு எப்போது என்பதில் ஆர்வமாக இருக்கிறீர்கள். தற்போது வரை யுவன்சங்கர் ராஜாவின் பிறந்த நாளான ஆகஸ்ட் 3ம் தேதி வெளியிடலாம் என்று தீர்மானித்து இருக்கிறோம். ஏதாவது மாற்றம் இருந்தால் கூறுகிறேன் என்ற தகவல் வெளியானது.
இந்த தகவல் குறித்து ஆர்யா, “நான் டிவிட்டர் இணையத்திலேயே இல்லை. எனது பெயரில் இயங்கி வருவது போலியானது. ஆரம்பம் இசை வெளியீடு குறித்து வெளியான தகவல்கள் குறித்து மிகவும் கவலையாக இருக்கிறது” என்று தெரிவித்து இருக்கிறார்.
அந்த இணையத்தில் நான் அனுஷ்காவைக் காதலிக்கிறேன், நயன்தாராவைக் காதலிக்கிறேன் என்று போடாமல் இருந்தாங்களே அதுவரைக்கும் சந்தோஷம்.
