கர்நாடக இசைப் பாடகி மறைந்த எம்.எஸ்.சுப்புலட்சுமியின் வாழ்க்கை தமிழ், தெலுங்கு, இந்தி மொழிகளில் படமாகிறது. எம்.எஸ்.சுப்புலட்சுமியின் சிறு வயது வாழ்க்கை முதல் கர்நாடக சங்கீத பாடகியாக சாதனை நிகழ்த்தியது வரை அனைத்து விவரங்களும் இப்படத்தில் இடம் பெறுகிறது.
இதில் எம்.எஸ்.சுப்புலட்சுமி வேடத்தில் நடிக்க வித்யாபாலன் தேர்வு செய்யப்பட்டார். இதையடுத்து எம்.எஸ்.சுப்புலட்சுமியின் வாழ்க்கை வரலாற்று புத்தகங்களை வித்யா தேடி வாங்கி படிக்க ஆரம்பித்தார். அவர் போன்று நடிக்க பயிற்சியும் எடுத்தார். இந்த நிலையில் எம்.எஸ்.சுப்புலட்சுமி வேடத்தில் நடிக்க வித்யாபலனுக்கு திடீர் எதிர்ப்பு கிளம்பியது.
த டேட்டி பிக்சர் படத்தில் சில்க்ஸ்மிதா வேடத்தில் வித்யாபாலன் ஆபாசமாக நடித்துள்ளார். அவருடைய ஆபாச பட சுவரொட்டிகள் நகரமெங்கும் ஒட்டப்பட்டு இமேஜை கெடுப்பதாக அமைந்தது.
எனவே எம்.எஸ்.சுப்புலட்சுமியாக நடிக்க வித்யாபாலன் தகுதியில்லாதவர் என்று எதிர்பாளர்கள் குரல் எழுப்பினர். இதையடுத்து எம்.எஸ்.சுப்புலட்சுமி படத்தில் இருந்து வித்யாபாலன் நீக்கப்பட்டு உள்ளதாக தகவல் வெளியாகியுள்ளது. அவருக்கு பதில் வேறு நடிகை தேர்வு நடக்கிறது.
