சச்சின் டெண்டுல்கர், ரிக்கி பொண்டிங் ஆகியோரை விட பிரைன் லாரா ஒரு படி மேல்தான் என்று பாகிஸ்தான் அணியின் அதிரடி வீரர் அப்ரிடி தெரிவித்துள்ளார்.
நீண்ட காலமாகவே லாராவா சச்சினா சிறந்த துடுப்பாட்ட வீரர் என்ற கேள்வியும் விவாதமும் தொடர்ந்தபடிதான் உள்ளன. சமீபத்தில் பொண்டிங் இந்த விவாதத்தை மேலும் சூடாக்கி விட்டுப் போனார். இந்த தொடர் விவாதத்தில் தற்போது பாகிஸ்தான் வீரர் அப்ரிடியும் தலையை விட்டுள்ளார்.
என்னுடைய கிரிக்கெட் வாழ்க்கையில் லாராதான் சிறந்தவர் என்பது எனது கருத்து. அவரைப் போன்ற வீரரை நான் பார்த்ததில்லை. சச்சின், ரிக்கி பொண்டிங் ஆகியோர் ஜாம்பவான்களாக இருந்தபோதிலும் அவர்களை விட ஒரு படி மேலான நிலையில்தான் இருக்கிறார் லாரா.
லாராவை வீழ்த்துவது என்பது மிகவும் கஷ்டமான விடயம். ஒவ்வொரு விதமான கிரிக்கெட்டிலும் நிபுணத்துவம் பெற்றவர் லாரா. பவுண்டரிகள் அடிப்பதில் அவரை மி்ஞ்ச முடியாது.
பந்து வீச்சாளர்களைப் பொறுத்தவரை மெக்கிராத் சிறப்பான பந்து வீச்சாளர் என்றும் அதேபோல முகமட் ஆசிப்பும் நல்ல பந்து வீச்சாளர் எனவும் கூறினார்.
