வவுனியா கந்தன்குளம் பூவரசன்குளத்தில் வசிக்கும் வறுமைக்கோட்டுக்கு உட்பட்ட சுமார் 4 கிலோ மீட்டர் தூரம் நடந்து சென்று கல்வி கற்று வரும் பிள்ளைகளுக்கு கந்தன்குளம் சன் ஸ்டார் விளையாட்டு கழகம் தமிழ் விருட்சத்திடம் விடுத்த வேண்டுகோளுக்கு அமைவாக, தமிழ் விருட்சம் அமைப்பின் தலைவர் சந்திரகுமார் (கண்ணன் ) அவர்கள் சின்னத்தம்பி நற்பணி மன்றம் மூலம் 3 துவிசக்கர வண்டிகளை நேற்று (15.05.2016) கந்தன்குளத்தில்வைத்து வழங்கி வைத்தார்.
இந்த நிகழ்வில் தமிழ் விருட்சம் அமைப்பின் தலைவர் சந்திரகுமார் (கண்ணன் ), செயலாளர் மாணிக்கம் ஜெகன், பூவரசன் குளம் பொலிஸ் நிலைய பொறுப்பதிகாரி அபேசிங்க, சிவில் பாதுகாப்புக் குழுத் தலைவர் பேனாட் அந்தோணிபிள்ளை, ஆலய பரிபாலன சபைத் தலைவர் மு.நாகலிங்கம், கந்தன்குளம் பிரிவு பொலிஸ் பொறுப்பாளர் கருணாதிலக, சன் ஸ்டார் விளையாட்டுக் கழகத் தலைவர் சிவானந்தன், மற்றும் உறுப்பினர்கள், பொதுமக்கள், பெற்றோர்கள், மாணவர்கள் கலந்து கொண்டனர்.