ரஷ்யாவில் நடந்த உலக தடகள போட்டியில், நட்சத்திர வீரர் உசைன் போல்ட் தங்கப் பதக்கம் வென்றார். ரஷ்ய தலைநகர் மொஸ்கோவில் உலக தடகள போட்டிகள் நடந்து வருகிறது.
இதில் ஆண்களுக்கான 100 மீற்றர் ஓட்டப்பந்தயத்தில், பந்தய தூரத்தை 9.77 விநாடிகளில் கடந்து நட்சத்திர வீரரான உசைன் போல்ட் முதலிடம் பிடித்தார்.
இதுகுறித்து உசைன் போல்ட் கூறுகையில் தங்கம் வென்றது மகிழ்ச்சி அளிக்கிறது. ஆனால் இதை விடவும் வேகமாக ஓட என்னால் முடியும் என நம்புகிறேன். இதற்காக அடுத்து வரும் போட்டிகளில் கடுமையாக முயற்சிப்பேன்.
உலக சாதனை படைக்காவிட்டாலும், முதலிடம் பிடிக்க வேண்டும் என்பதில் உறுதியாக இருக்கிறேன். ஜமைக்கா ரசிகர்களின் விருப்பத்திற்கு ஏற்ப களத்தில் ஆதிக்கம் செலுத்தி வெற்றி பெறுவேன் என்று தெரிவித்துள்ளார்.
