நேற்று (25.05.2016) மாலை 4.30 மணியளவில் வவுனியாவில் இருந்து மன்னார் நோக்கிப் புறப்பட்ட NP JG-**** தொடர் இலக்கமுடைய பேரூந்தில் பயணித்த சுமார் 75 வயது மதிக்கத்தக்க மூதாட்டி ஒருவர் வவுனியா நகரில் இருந்து வேப்பங்குளம் பிள்ளையார் கோவிலடியில் இறங்கினார்.
அப்போது அப் பேரூந்தின் நடத்துனர் குறித்த மூதாட்டி ஆசனத்தில் அமர்ந்து வந்ததாகக் கூறி, அம் மூதாட்டியிடம் மன்னாருக்குறிய கட்டணமான நூறு ரூபாவை வேண்டிவிட்டே இறக்கிவிட்டுச் சென்றார்.
மூதாட்டி மணமுடைந்த நிலையில் நடத்துனரைத் திட்டியபடியே பண்டாரிகுளம் வீதியால் நடந்து சென்றதை அவதானிக்க முடிந்தது.
இது போன்று சில நடத்துனர்கள் முதியவர்களிடமும் பிரயாணிகளிடமும் மனிதாபிமானமற்ற நடவடிக்கைகளில் ஈடுபடுவதாகவும் இவற்றுக்கு பேரூந்து உரிமையாளர்கள் உரிய நடவடிக்கை எடுக்கவேண்டும் எனவும் பாதிக்கப்பட்ட மக்கள் தெரிவிக்கின்றனர்.
