லண்டனில் ஒக்டோபர் மாதம் 12ம் திகதி முதல் 18ம் திகதி வரை நடைபெற இருக்கும் 2013ம் ஆண்டுக்கான லண்டன் சர்வதேச திரைப்பட விழாவில் பரதேசி திரைப்படம் 8 விருதுகளுக்கு பரிந்துரை செய்யப்பட்டுள்ளது.
அதர்வா, வேதிகா, தன்ஷிகா நடிப்பில், பாலா இயக்கத்தில் வெளிவந்த படம் பரதேசி. தேயிலைத் தோட்டத் தொழிலாளர்களின் வலியையும், வேதனையையும் எதார்த்தமாகப் பதிவு செய்திருப்பார் பாலா.
ரெட் டீ என்கிற நாவலைத் தழுவி இந்தப் படம் எடுக்கப்பட்டது. கடந்த ஆண்டு ´சிறந்த ஆடை வடிவமைப்பாளருக்கான தேசிய விருதைப் பெற்றது. அதைத் தொடர்ந்து, தற்போது லண்டன் சர்வதேச திரைப்பட விழாவில் 8 விருதுகளுக்கு இந்தப் படம் பரிந்துரைக்கப்பட்டுள்ளது.
சிறந்த படம், சிறந்த இயக்குநர், சிறந்த வெளிநாட்டுப்பட இயக்குநர், சிறந்த வெளிநாட்டுப் படம், சிறந்த இசையமைப்பாளர், சிறந்த ஒளிப்பதிவாளர், சிறந்த கதாநாயகன், சிறந்த ஆடை வடிவமைப்பு ஆகிய பிரிவுகள்தான் அவை.
பல்வேறு நாடுகளைச் சேர்ந்த படங்கள் இந்த விழாவில் போட்டியிட்டாலும், அதிகபட்சமாக 8 விருதுகளுக்கு பரிந்துரைக்கப்பட்ட ஒரே படம் பரதேசி.
