கொலிவுட்டின் தற்போதைய எதிர்பார்ப்பாக இருப்பது ஷங்கர் இயக்கத்தில், விக்ரம், எமிஜக்சன் நடித்து வரும் ’ஐ’ படத்தைப் பற்றியதுதான்.
’ஐ’ படத்தின் படப்பிடிப்பு 75 சதவிகிதம் நிறைவடைந்துள்ளதாக கொலிவுட் வட்டாரம் தெரிவிக்கிறது. அந்தவகையில் ‘ஐ’ திரைப்படத்தினை 17 மொழிகளில் வெளியிட திட்டமிட்டுள்ளார்கள்.
இதற்குமுன் சுப்பர் ஸ்டார் ரஜினிகாந்த் நடிப்பில் வெளியான எந்திரன் படத்தினை 9 மொழிகளில் வெளியிட்டார்கள்.
ஷங்கர் இயக்கிவரும் ’ஐ’ படத்திற்கு, நீண்ட இடைவெளிக்குப் பின்பு இந்தியாவின் சிறந்த ஒளிப்பதிவாளர்களில் ஒருவரான பி.சி.ஸ்ரீராம் ஒளிப்பதிவு செய்ய, ஸ்ரீகர் பிரசாத் படத்தொகுப்பை கவனிக்கிறார், ஏ.ஆர்.ரஹ்மான் இசையமைக்கிறார்.
இப்படம் தாமதமாவதற்கு காரணம் என்னவென்று விசாரித்தபோது, விக்ரமிற்கு பிசிகல் சேஞ்ச், மோல்டிங், ஸ்கேனிங், செயற்கை உறுப்புக்கான பொருட்களை தயார் செய்தல் என கிட்டத்தட்ட இப்படத்தின் ஷூட்டிங் ஆரம்பித்து ஒருவருடம் ஆகிவிட்டதாம்.
’ஐ’ குழு தற்போது சென்னை மருத்துவமனையில் இறுதிக்கட்ட காட்சியை படமாக்கி வருகிறது.