உலகின் விலை உயர்ந்த அன்ட்ரொய்ட் கைப்பேசி லண்டனில் அறிமுகப்படுத்தப்பட்டுள்ளது.
இஸ்ரேலைச் சேர்ந்த சிரின் லேப்ஸ் என்ற நிறுவனம் ’சோலாரின்’ (Solarin) என்ற பெயரில் அன்ட்ரொய்ட் கைப்பேசியை 14,000 அமெரிக்க டொலர்கள் என்ற விலையில் அறிமுகப்படுத்தப்பட்டது.
தகவல் தொடர்புகளைப் பாதுகாக்க உலக நாடுகளின் இராணுவ அமைப்புகள் பயன்படுத்தும் அதி நவீனத் தொழில்நுட்பத்துடன் இந்த கைப்பேசி வெளியாகியுள்ளது.
இதுவரை வெளியான கைப்பேசிகளில் இல்லாத அளவுக்கு, எந்த விதமான சைபர் தாக்குதல்களையும் தாக்குப்பிடிக்கும் வகையிலும், தகவல்களைப் பாதுகாக்க அதிகபட்ச பாதுகாப்பு வசதிகளைக் கொண்டதாகவும் இது வடிவமைக்கப்பட்டுள்ளது.
