வவுனியா தேக்கவத்தை பகுதியில் வசித்துவரும் உயர்தர வகுப்பு மாணவி இம்மனுவேல் தனுஷியா வவுனியா தமிழ் மகாவித்தியாலயத்தில் கல்வி பயின்று வருகின்றார்.
மாணவியின் தந்தை இருதயநோயால் பாதிப்படைந்துள்ளார். இவரின் வறுமையான குடும்ப நிலைமையினையும் கல்வி கற்கும் ஆர்வத்தினையும் வவுனியா வர்த்தக சங்கத்திற்கு தெரியப்படுத்தியதுடன் தனது தேவைக்காக துவிச்சக்கரவண்டி வழங்குமாறும் கேட்டுக்கொண்டார்.
வசதியற்ற மாணவியின் தேவையினை கருத்திற்கொண்டு வவுனியா வர்த்தக சங்கத்தின் மூத்த உறுப்பினர் திரு.சபாநாதன் வவுனியா வர்த்தக சங்கம் சார்பாக நேற்று முன்தினம் (11.06.2016) துவிச்சக்கர வண்டியினை குறித்த மாணவிக்கு வழங்கி வைத்தார்.
இந்நிகழ்வில் வர்த்தக சங்கத் தலைவர் ரி.கே. இராஜலிங்கம், நிர்வாக சபை உறுப்பினர் ஆர். கிரிதரன், மற்றும் திரு.விமல் ஆகியோர் இணைந்து கொண்டனர்.
