அயர்லாந்துக்கு எதிரான ஒருநாள் போட்டியில் இலங்கை அணி வெற்றி!!

அயர்லாந்துக்கு எதிரான ஒருநாள் போட்டியில் இலங்கை அணி 76 ஓட்டங்களால் வெற்றி பெற்றுள்ளது.

இந்தப் போட்டியில் நாணய சுழற்சியில் வென்ற அயர்லாந்து முதலில் களத்தடுப்பில் ஈடுபடத் தீர்மானித்தது.

இதன்படி முதலில் களமிறங்கிய இலங்கை அணி சார்பில் அபாரமாக ஆடிய தினேஸ் சந்திமால் ஆட்டமிழக்காது 102 ஓட்டங்களை விளாசினார்.

மேலும் குஷல் மென்டிஸ் 51 ஓட்டங்களை பெற்றுக் கொடுக்க இலங்கை அணி, 50 ஓவர்களில் ஏழு விக்கெட்டுக்களை இழந்து 303 ஓட்டங்களைக் குவித்துள்ளது.

பதிலுக்கு அயர்லாந்து துடுப்பெடுத்தாடும் போது இடைக்கிடை மழை குறுக்கிட்டதால் 47 ஓவர்களுக்கு 293 ஓட்ட இலக்கு நிர்ணயிக்கப்பட்டது.

எனினும் 40.4 ஓவர்களில் அனைத்து விக்கட்டுக்களையும் இழந்த அயர்லாந்து 216 ஓட்டங்களை பெற்று தோலவியடைந்தது.

இதன்படி டக்வத் லூயிஸ் முறைப்படி இலங்கை 76 ஓட்டங்களால் வெற்றியீட்டியது.

டசுன் சாணக அபாரமாக பந்துவீசி 43 ஓட்டங்களுக்கு 5 விக்கட்டுகளை கைப்பற்றியதுடன் துடுப்பெடுத்தாட்டத்தில் 19 பந்துகளில் 3 ஆறு ஓட்டங்கள் அடங்கலாக 42 ஓட்டங்களையும் பெற்றுக்கொண்டார்.