திருவண்ணாமலை மாவட்டத்தில் உள்ள பாலசுப்ரமணியன் திரையரங்கில் கான்ஜூரிங்-2 படம் திரையிடப்பட்டுள்ளது.இந்நிலையில், இத்திரையரங்கில் படம் பார்த்தவர் திரையரங்கிலேயே திடீரென மாரடைப்பால் சுருண்டு விழுந்து உயிரிழந்தார்.
திரையரங்கில் படம் பார்த்தவர்கள் அளித்த தகவலின் பேரில் 108 அவசரஊர்தி மூலம் சம்பவ இடத்திற்கு விரைவதற்குள் உடன்வந்தவர்கள் உடலை ஆட்டோவில் கொண்டு சென்றுவிட்டதாக கூறப்படுகிறது.விசாரணையில் உயிரிழந்த நபர் 60 வயது மதிக்கத்தக்கவர் என்றும், ஆந்திராவை சேர்ந்தவர் எனவும் தெரியவந்துள்ளது. திருவண்ணாமலை ரமணா ஆசிரமம் எதிரே விசிறி சாமியார் மடத்தில் ரூம் எடுத்து தங்கியுள்ளார்.
ஆந்திராவின் புட்டபர்த்தியை சேர்ந்த இந்நபர் குறித்த பிற விவரங்களை பொலிசார் சேகரித்து வருகின்றனர்.
