பிரிட்டனைச் சேர்ந்த பெண்ணொருவர் தீவிர சோஸ் பிரியையாகக் காணப்படுகிறார். இவரின் அனைத்து வேளை உணவுகளிலும் கெச்சப் எனும் சோஸ் தவறாமல் இடம்பெறுகிறது. 30 வயதான சமந்தா ஆர்ச்சர் எனும் இப்பெண் வாராந்தம் இரு போத்தல் சோஸை பயன்படுத்துகிறார். அதாவது வருடாந்தம் 36 லீற்றர் சோஸை இவர் உட்கொள்கிறார்.
5 வயதிலிருந்து சோஸ் மீது தான் தீவிர அபிமானம் கொண்டுள்ளதாக சமந்தா கூறுகிறார். “எனது சோஸ் ஆசையை எனது பெற்றோர் அறிவர். அவர்கள் எப்போதும் ஒரு போத்தல் சோஸை எனக்காக தயார் நிலையில் வைத்திருப்பர். எனது ஒவ்வொரு வேளை உணவிலும் சோஸை கலந்துகொள்வேன். கிறிஸ்மஸ் உணவும் இதற்கு விதிவிலக்கல்ல” என்கிறார் சமந்தா ஆர்ச்சர்.
