சிறிய விமானமொன்று வீடொன்றின் மீது வீழ்ந்ததால் இருவர் காயமடைந்த சம்பவம் அமெரிக்காவில் இடம்பெற்றுள்ளது.
ஒற்றை இயந்திரம் கொண்ட, செஸ்னா ரகத்தைச் சேர்ந்த இவ் விமானம் இண்டியானா மாநிலத்தின் டெரே ஹோட் நகருக்கு அருகில் கடந்த வாரம் வீழ்ந்தது.
இதனால், விமானத்தில் பயணம் செய்த பட்ரிக் ஓ நீல், ஜோன் ட்ரம்ப் ஆகிய இருவர் காயமடைந்தனர். இவர்கள் இருவரும் டெரே ஹோட் நகரிலுள்ள வைத்தியசாலையில் அனுமதிக்கப்பட்டனர்.
இவர்கள் இருவரும் இதே வைத்தியசாலையில் பணியாற்றும் மருத்துவர்கள் என்பது குறிப்பிடத்தக்கது. மேற்படி விமானம் வீழ்ந்தபோது வீட்டுக்குள் எவரும் இருக்கவில்லை என அதிகாரிகள் தெரிவித்துள்ளனர்.
