ஹொலிவுட் நடிகை ஜெசிகா ஃபால்க்ஹோல்ட் கார் விபத்தில் பலி!!

அவுஸ்திரேலியாவைச் சேர்ந்த ஹொலிவுட் நடிகை ஜெசிகா ஃபால்க்ஹோல்ட் (Jessica Falkholt) விபத்தில் சிக்குண்டு சிகிச்சை பெற்று வந்த நிலையில் உயிரிழந்துள்ளார்.

Home and Away திரைப்படத்தில் நடித்த இவர் மூன்று வாரங்களுக்கு முன்னர் தனது குடும்பத்தாருடன் காரில் பயணித்துக்கொண்டிருந்த போது விபத்திற்குள்ளானார்.

எதிரே வந்த கார் இவர்கள் பயணித்த காரில் மோதி விபத்து இடம்பெற்றுள்ளது.

இந்த விபத்தில் ஜெசிகாவின் தந்தை லாட்ஸ் (69), தாயார் விவிலியன் (60) ஆகியோர் உயிரிழந்தனர்.

படுகாயமடைந்த ஜெசிகாவும் அவரது தங்கை அனபெல்லேயும் (21) சிகிச்சை பெற்று வந்த நிலையில், மூன்று நாட்களில் அனபெல்லே உயிரிழந்தார்.

இந்நிலையில் தொடர்ந்தும் சிகிச்சை பெற்று வந்த ஜெசிகாவும் (29) நேற்று (16) உயிரிழந்துள்ளார்.

மற்றொரு காரை ஓட்டிவந்த 50 வயதான க்ரைக் விட்டல் என்பவரும் விபத்தில் உயிரிழந்துள்ளமை குறிப்பிடத்தக்கது.