சவுதி அரேபியாவில் கால்பந்து போட்டியை ரசிக்க ஆண் வேடமணிந்து சென்ற பெண் பொலிசாரால் கைது செய்யப்பட்டுள்ளார்.
சவுதியில் பெண்களூக்கு எதிராக கடுமையான சட்டங்கள் கடைபிடிக்கபட்டு வருகின்றன. இந்நிலையில், ஜித்தா நகரில் அல்- ஜவ்காரா மைதானத்தில் ரியாத் நகரை சேர்ந்த அல்-சகாப் அணிக்கும் ஜித்தா நகரை சேர்ந்த அல்-எதிகேட் அணிக்கும் போட்டி நடந்தது.
இந்த போட்டியில் ரியாத் அணி 1-0 என்ற கோல் கணக்கில் வெற்றி பெற்றது. இதை பார்க்க பெண் ஒருவர், ஆண் போன்று மாறு வேடமிட்டு மைதானத்துக்குள் நுழைந்தார்.
அதற்கான டிக்கெட்டை ஒன்லைனில் எடுத்திருந்தார்.
மைதானத்துக்குள் ஒரு இருக்கை பகுதியில் அமர்ந்து போட்டியை ரசித்து பார்த்து கொண்டிருந்தார். அப்போது அருகே இருந்த ஒரு ஆண் நபர் அவரை அடையாளம் கண்டு பிடித்து பொலிசிற்கு தகவல் கொடுத்தார்.
அதை தொடர்ந்து அங்கு வந்த பொலிசார் தடையை மீறி கால்பந்து மைதானத்துக்குள் நுழைந்து போட்டியை பார்த்த அந்த பெண்ணை கைது செய்தனர்.
தற்போது அந்த பெண் கால்பந்து போட்டியை ரசித்து பார்த்த வீடியோ யூடியூப் இணையதளத்தில் வெளியாகி உள்ளது.
