இந்தோனேசியாவின் பாலி தீவில் 2013ம் ஆண்டுக்கான உலக அழகிப் போட்டி ஆரம்பமானது.
முஸ்லீம் அமைப்புகளின் எதிர்ப்பு எதிரொலியாக ஆரம்ப விழாவில், கலந்து கொண்ட அனைத்து நாட்டு அழகிகளும் இந்தோனேசியாவின் பாரம்பரிய உடையில் அணிவகுத்து வந்தனர்.
மேலும் இந்த ஆண்டுப் போட்டியில் பிகினி உடைக்கும் குட்பை சொல்லியுள்ளனர் போட்டி ஏற்பாட்டாளர்கள்.
முன்னதாக இந்த அழகிப் போட்டியை ஜகார்த்தா அருகே நடத்துவதாக இருந்தனர். ஆனால் ஆபாசமான இந்தப் போட்டியை இங்கு நடத்தக் கூடாது என்று முஸ்லீம் அமைப்புகள் கடும் எதிர்ப்பு தெரிவித்தனர்.
இதையடுத்து இந்து சமுதாயத்தினர் அதிகம் வசிக்கும் பாலி தீவுக்கு போட்டியை மாற்றி விட்டனர் அமைப்பாளர்கள். போட்டியின் தொடக்க விழா ஞாயிற்றுக்கிழமை பாலி தீவில் நடந்தது. இதில் கண்கவர் அழகிகள் அணிவகுத்தனர். ஆனால் கவர்ச்சி மிகவும் குறைவாகஇருந்தது.
அனைத்து அழகிகளும் இந்தோனேசியாவின் பாரம்பரிய உடையைத் தேர்வு செய்திருந்தனர். மேலும் பாலி தீவின் பாரம்பரிய நடனத்தையும் அழகிகள் ஆடிக் காட்டியது இந்தோனேசிய மக்களுக்கு வைக்கப்பட்ட மாபெரும் ஐஸாக அமைந்தது.
தொடக்க விழாவைத் தொடர்ந்து அன்று மாலை கேட்வாக் நிகழ்ச்சி நடந்தது. அதில் அதற்குகரிய உடையில் அழகிகள் கலக்கினர். இந்தோனேசிய கலைஞர்களின் இசை நடனத்துடன் கூடியதாக தொடக்க விழா இருந்தது.
