ஒக்டோபர் மாத ராசி பலன்கள் – கும்பம்!!

ஒரு பார்வையிலேயே மற்றவரை எடைபோடும் திறமையுள்ள நீங்கள், எடுத்த காரியத்தில் எந்த தடை வந்தாலும் பின்வாங்க மாட்டீர்கள். இந்த மாதம் உங்களுக்கு நல்ல முன்னேற்றங்கள் உண்டாகும். எதிர்பார்த்த தகவல்கள் நல்ல விதமாக வந்து சேரும். குடும்பத்தில் மகிழ்ச்சி நிலவும்.

பணவரத்து குறையலாம். வாகனம், வீடு மூலம் செலவுகளும் அவ்வப்போது ஏற்படலாம். குரு பார்வையின் பலனால் பூர்வீகச் சொத்துக்களில் இருந்த பிரச்னைகள் குறையும். அதன் மூலம் வருமானம் கிடைக்கும். குழந்தைகளின் புத்திசாதூர்யம் அதிகரிக்கும்.

எழுத்துத் துறையில் இருப்பவர்கள் திறமை முழுமையாக வெளிப்படும். திருமண வயதில் இருப்பவர்களுக்கு திருமணம் கைகூடும். கணவன் – மனைவிக்கிடையே நெருக்கம் அதிகரிக்கும். வியாபாரத்தில் பங்குதாரர்களோடு இருந்த பிரச்னைகள் தீரும். தற்போது உங்கள் ராசிக்கு 3ல் சஞ்சாரம் செய்யும் கேதுவின் மூன்றாம் பார்வையால் மனதில் அவ்வப்போது ஏதாவது கவலை இருந்து கொண்டேயிருக்கும்.

குடும்பத்தில் குழப்பம், பணதட்டுப்பாடு போன்றவை வந்து நீங்கும். எனவே எதையும் திட்டமிட்டுச் செய்வது நல்லது. குடும்பத்தில் பல ஆறுதலான விஷயங்கள் நடக்கும். எவ்வளவு பிரச்னைகள் ஏற்பட்டாலும் எதிர்ப்புகள் இருக்காது. தொழில் போட்டியும் இருக்காது.

சமூகத்தில் மதிப்பும், மரியாதையும் கூடும். ஆன்மிக நாட்டம் அதிகரிக்கும். பிள்ளைகளை அனுசரித்துச் செல்வது நல்லது. பெண்களுக்கு இந்த மாதத்தின் முற்பகுதியில் பல நன்மைகள் நடக்கும். பிற்பகுதியில்தான் வீண் அலைச்சலும் செலவும் உண்டாகும். எதிலுமே எச்சரிக்கையாக செயல்படுவது நல்லது.

மாணவர்கள் மிகவும் கவனமாக அதிக நேரம் ஒதுக்கி பாடங்களை படிப்பது நல்லது. விளையாட்டுகளில் கவனம் தேவை. கலைத்துறையினருக்கு நல்ல லாபம் கிடைக்கும். அலைச்சல் இருக்கும். ஆனால், கடந்த காலத்தை விட கூடுதல் வருவாயைப் பெறலாம். புதிய ஒப்பந்தம் தொடங்குவதற்கு முன் ஒன்றுக்கு மேற்பட்டவர்களிடம் ஆலோசனை செய்யவும்.

பரிகாரம் : விநாயகப் பெருமானுக்கு அறுகம்புல்லால் அர்ச்சனை செய்து வணங்க எல்லா துன்பங்களும் நீங்கும். உடல் ஆரோக்கியமும் மேம்படும்.

சந்திராஷ்டமம் : 5, 6, 31 ஆகிய திகதிகளில் வாகனத்தை நிதானமாக இயக்குங்கள்.

சொல்ல வேண்டிய மந்திரம் : “ஓம் ஸ்ரீகைலாஸவாசினே நமஹ” என்ற மந்திரத்தை தினமும் 9 முறை கூறவும்.

சிறப்பு பரிகாரம் : மரிக்கொழுந்து வாங்கி அம்மனுக்கு சாற்றி வாருங்கள். இயன்றவர்கள் பச்சை நிறத்தில் பட்டும் வாங்கி சாற்றலாம்.

அதிர்ஷ்ட கிழமைகள்:

வளர்பிறை : வியாழன், வெள்ளி.
தேய்பிறை : வியாழன், வெள்ளி.