கொலிவுட்டில் தலைவா படத்தை ஆவலுடன் எதிர்பார்த்துக் கொண்டிருந்த ரசிகர்களுக்கு, அப்படத்தின் ட்ரைலர் மற்றும் பாடல்கள் தற்போது விருந்தாக அமைந்துள்ளது.
மேலும் தலைவா படத்தை ஒகஸ்ட் 9ம் திகதி திரையிட திட்டமிட்டு உள்ள நிலையில், படம் குறித்து சில தகவல்கள் தற்போது வெளியாகிக் கொண்டிருக்கிறது.
தலைவா படத்தில் நடனம் மட்டுமே தனது வாழ்க்கை என்று வாழ்ந்து கொண்டிருக்கும் விஜய், இந்தியாவிற்கு வந்து எதிர்பாராத சில சிக்கல்களில் மாட்டிக் கொள்கிறார்.
இதில் குறிப்பிடத்ததக்க விடயம் என்னவென்றால், அவுஸ்திரேலியாவில் இருக்கும் விஜய்யை ஏமாற்றி இந்தியாவிற்கு அழைத்து வர அனுப்பப்பட்டவர் தானாம் அமலாபால்.
அப்படி விஜய்யை ஏமாற்றும் போது, வழக்கமான கதாநாயகி போன்று அமலாபாலும் விஜய் மீது காதலில் விழுந்து விடுகிறாராம்.
தலைவா படத்தின் மீது இருக்கும் எதிர்பார்ப்பின் காரணமாக, இந்தப் படத்தின் புக்கிங் ரகசியமாக பல இடங்களில் நடைபெற்று வருகின்றதாம்.
மேலும் திரைப்படத்தை எங்கள் திரையரங்குகளில் தான் வெளியிடுகிறோம் எனக் கூறி பல திரையரங்கு உரிமையாளர்கள் அட்வான்ஸ் புக்கிங் செய்து வருவதாகவும் தகவல்கள் வெளியாகியுள்ளது.
