இலங்கைப் போகுவரத்துச் சபை வவுனியாவில் இருந்து சேமமடு பகுதிக்கு புதிய பஸ் சேவைகளை இன்று ஆரம்பித்துள்ளதாக போக்குவரத்து அமைச்சு அறிவித்துள்ளது. வவுனியா பஸ் நிலையத்தில் இந் நிகழ்வுகள் இன்று காலை இடம்பெற்றது.
வவுனியாவில் இருந்து 25 கிலோமீற்றர் தொலைவில் உள்ள சேமமடு பிரதேசத்திற்கு நீண்டகாலமாக பஸ் சேவை இடம்பெற்றிருக்கவில்லை. இதனால் மக்கள் பல்வேறு போக்குவரத்துச் சிரமங்களை எதிர்கொண்டு வந்தனர்.
இதன் காரணமாக தற்போது சேமமடுவுக்கு புதிய பஸ்சேவை ஆரம்பிக்கப்பட்டுள்ளது. இதனால் இளமருதங்குளம், அலைகல்லுப் போட்டகுளம், சேமமடு உள்ளிட்ட 15 க்கு மேற்பட்ட கிராம மக்கள் பயன் பெறவுள்ளனர்.
கடந்த சனிக்கிழமை போக்குவரத்து அமைச்சர் ரஞ்சித் மத்துவ பண்டாரவினால் இலங்கை போக்குவரத்து சபையின் வவுனியா டிப்போவுக்கு 8 பஸ்கள் வழங்கப்பட்டமை குறிப்பிடத்தக்கது.
