இந்திய மேற்கு வங்க மாநிலத்தில் பிரசித்தி பெற்ற, பிரசிடென்சி பல்கலைக்கழகத்தில் காதலிப்பது எப்படி என்பது தொடர்பான பாடம் மாணவர்களுக்கு அடுத்த ஆண்டு கற்றுக் கொடுக்கப்படவுள்ளது. மேற்குவங்கத் தலைநகர் கொல்கட்டாவில் உள்ளது, பிரசிடென்சி பல்கலைக்கழகம்.
பிரபலமானவர்கள் பலர் படித்த அந்தப் பல்கலைக்கழகத்தில், அடுத்த கல்வியாண்டு முதல் காதல் தொடர்பான பாடங்கள் மாணவர்களுக்கு கற்றுக் கொடுக்கப்படுகிறது. இதற்கான அறிவிப்பை நேற்று வெளியிட்ட பல்கலை துணை வேந்தர் மாளவிகா சர்க்கார் என்ற பெண் தியரி பாடங்கள் மட்டும் தான், பிரக்டிகலுக்கு இடமில்லை என நகைச்சுவையாக குறிப்பிட்டார்.
அந்தப் பல்கலைக்கழகத்தில் புதுமையாக பல பாடப்பிரிவுகள் உள்ளன. அறிவியல் கற்றிராதவர்களும் அன்றாட வாழ்க்கையில் இயற்பியல் என்ற பாடத்தை எடுத்து படிக்க வாய்ப்பு வழங்கப்படுகிறது. இது போல் அன்றாட வாழ்க்கைக்கு பயன்படும், பல பாடப்பிரிவுகளை அறிமுகப்படுத்தி அசத்தி வருகிறார் மாளவிகா.
