இருபதுக்கு இருபது சர்வதேச கிரிக்கெட் போட்டியில் அதிக பட்ச தனிநபர் ஓட்டங்களை கடந்த வீரர் என்ற சாதனையை அவுஸ்திரேலிய அணியின் அக்ரோன் பின்ஞ் தன்வசப்படுத்தியுள்ளார்.
இங்கிலாந்துக்கு எதிராக இடம்பெற்ற இருபதுக்கு இருபது போட்டியிலேயே அவர் இச்சாதனையை எட்டியுள்ளார்.
இங்கிலாந்தில் இடம்பெறும் இப்போட்டியில் முதலில் துடுப்பெடுத்தாடிய அவுஸ்திரேலிய அணி நிர்ணயிக்கப்பட்ட 20 ஓவர்கள் நிறைவில் 6 விக்கெட்டுக்களை இழந்து 248 ஓட்டங்களைப் பெற்றுக் கொண்டது.
இதில் அக்ரோன் பின்ஞ் 63 பந்துகளை எதிர்கொண்டு 156 ஓட்டங்களைப் பெற்றுக் கொண்டார். சிறப்பாக விளையாடிய அவர் 14 ஆறு ஓட்டங்களையும் 11 நான்கு ஓட்டங்களையும் பெற்றுக் கொண்டார்.
இதற்கு முன்னதாக இருபதுக்கு இருபது போட்டிகளில், நியூசிலாந்து அணியின் வீரர் பொன்டன் மெகலம் பங்களதேஷுக்கு எதிராக கண்டி பல்லேகல விளையாட்டு மைதானத்தில் 58 பந்துகளுக்கு முகங்கொடுத்து 123 ஓட்டங்களை அதிக தனிநபர் ஓட்ட எண்ணிக்கையாக பதிவு செய்திருந்தார்.
கடந்த வருடம் செப்டெம்பர் மாதம் 21ம் திகதி இந்த சாதனை நிலைநாட்டப்பட்டுள்ளது
