அமெரிக்காவின் கென்டக்கி மாநிலத்தில் பசுவொன்று இரு தலை களைக் கொண்ட கன்றுக்குட்டியை ஈன்றுள்ளது. இரு தலைகளும் ஒன்றுடன் ஒன்று ஒட்டியவாறு காணப்படுகின்றன.
நான்கு கண்கள், இரு மூக்குகள், இரு வாய்களைக் கொண்ட இக் கன்றை பார்வையிடுவதற்கு பலர் ஆர்வம் காட்டுகின்றனர். ஸ்டான் மெக்கபின் என்பவரின் பண்ணையிலேயே இக் கன்று பிறந்துள்ளது.
இது தொடர்பாக ஸ்டான் மெக்கபின் கூறுகையில, கடந்த வெள்ளிக் கிழமை தனது பண்ணைக்குச் சென்றபோது, இக் கன்றை முதலில் கண்டபோது ஒரே மாதிரியான இரட்டைக் கன்றுகள் அருகருகே உள் ளன என தான் கருதியதாகத் தெரிவித்துள்ளார்.
“அது இரு தலைகளைக் கொண்ட கன்றுக்குட்டி என அறிந்தபோது பெரும் அதிர்ச்சியடைந்தேன். இக் கன்று உயிர்வாழ்வது அதன் அதிஷ் டமாகும். எமது ஐந்து வயது மகள் கென்லீ, இக் கன்றுக்கு லக்கி என பெயரிட்டுள்ளாள்” எனவும் அவர் கூறினார்.
எனினும், இக் கன்று சில பிரச்சினைகளையும் கொண்டுள்ளது. அதன் நடுப் பகுதியிலுள்ள இரு கண்கள் இமைப்பதில்லை.
அத்துடன் இக் கன்று எழுந்து நடக்க முயற்சிக்கும்போது, வட்டமாக நடந்துவிட்டு விழுந்துவிடுகிறது எனவும் ஸ்டான் மெக்கபின் கூறியுள்ளார்.
