நியூசிலாந்தில் இந்த வருடக் குளிர்காலம் வழக்கம்போல் உறையவைக்கும் குளிர்காலமாக இருக்கவில்லை. காரணம், வெப்பநிலையை பதிவு செய்யத் தொடங்கிய நூறு ஆண்டுகளில், இதுவரை இல்லாத அளவு அதிக வெப்பநிலை இந்த குளிர்காலத்தில் பதிவாகியுள்ளது.
அந்நாட்டு தேசிய நீர் மற்றும் சுற்றுச்சூழல் ஆய்வகம், இந்த குளிர்காலத்தில் நாடு முழுவதும் சராசரியாக 9.5 செல்சியஸ் வெப்பம் பதிவானதாகக் குறிப்பிட்டுள்ளது.
இது வழக்கமான சராசரி வெப்பத்தை விட 1.2 செல்சியஸ் கூடுதலாகும். 1984ல் பதிவான மிக அதிகபட்ச வெப்பத்தை விட 0.3 செல்சிஸ் அதிகம். நியூசிலாந்தில் 1909ம் ஆண்டு முதல் வெப்பநிலை பதிவு செய்யப்பட்டு வருவது குறிப்பிடத்தக்கது. இந்தப் பகுதிகளில் ஜூன்,ஜூலை மற்றும் ஆகஸ்ட் மாதங்கள் குளிர்கால மாதங்களாகும்.
