கர்ப்பிணியாக நாடகமாடி போதைப் பொருளை கடத்த முயன்ற பெண் கைது செய்யப்பட்டுள்ளார். கொலம்பியாவில் உள்ள போகோடோ விமான நிலையத்தில் வைத்தே குறித்த பெண் கைது செய்யப்பட்டுள்ளார்.
றொரண்டோவை சேர்ந்த 28 வயது மதிக்கத்தக்க பெண், கர்ப்பிணி போன்று நாடகமாடி 2 கிலோகிராம் உடைய போதைப் பொருளை கடத்த முயன்றார்.
ஏர் கனடா விமானத்தில் ஏற முயன்ற போது பொலிஸ் அதிகாரி ஒருவர் சந்தேகமடைந்து குறித்த பெண்ணை சோதனையிட்ட போது தான் உண்மை தெரியவந்தது. இதனையடுத்து கைது செய்யப்பட்ட பெண் சிறையில் அடைக்கப்பட்டுள்ளார்.
விசாரணையில் கடந்த மாதம் 6ம் திகதி கொலம்பியாவுக்கு வந்துள்ளார் என்றும், சமூக ஆர்வலர் என்பதும் தெரியவந்துள்ளது. இதேபோன்று 874 வெளிநாட்டவர்கள் போதைப் பொருள் குற்றச்சாட்டின் கீழ் சிறையில் அடைக்கப்பட்டுள்ளதாக அதிகாரிகள் தெரிவித்துள்ளனர்.
