கொல்கத்தாவில் உள்ள மெக்டொனால்ட் உணவகத்தில் வழங்கப்பட்ட உருளைக் கிழங்கு பொரியலில் (French Fry) பல்லி இருந்துள்ளது அதிர்ச்சியை ஏற்படுத்தியுள்ளது.
கர்ப்பிணியாக ப்ரியங்கா மோத்ரா என்பவர் தனது மகளுடன் மெக்டொனால்ட் உணவகத்திற்கு சென்றுள்ளார். அங்கு அவர்களுக்கு வழங்கப்பட்ட உருளைக்கிழங்கு வறுவலில் பல்லி இருந்ததை ப்ரியங்காவின் மகள் கண்டுபிடித்துள்ளார்.
உருளைக்கிழங்குடன் சேர்ந்து பல்லியும் வறுக்கப்பட்டு இருப்பதை பார்த்து அதிர்ச்சியடைந்த ப்ரியங்கா, இதுகுறித்து உணவகத்தின் மேலாளரிடம் புகார் அளித்துள்ளார்.
ஆனால், மேலாளரோ, Sorry என்ற வார்த்தையை மட்டும் கூறியுள்ளார். இதனால், அதிர்ச்சியடைந்த ப்ரியங்கா, இந்த வறுவலை நாங்கள் சாப்பிட்டிருந்தால் எங்களுக்கு ஆரோக்கிய பாதிப்பு ஏற்பட்டிருக்க கூடும்.
ஆனால், உணவகத்தின் அலட்சியமான பதில் எங்களுக்கு வருத்தத்தை ஏற்படுத்துகிறது என கூறியுள்ளார். மேலும், ப்ரியங்காவின் கணவர் கூறியதாவது, இதுகுறித்து உணவகத்தின் நிர்வாகம் சார்பில் மன்னிப்பு கேட்கப்படவில்லை என்றும் அவர்கள் இதனை பெரிதாக எடுத்துக்கொள்ளவில்லை எனவும் கூறியுள்ளார்.
இதற்கிடையில், உணவகத்தின் நிர்வாகம் சார்பில், இந்த சம்பவம் குறித்து நடவடிக்கை எடுப்பதாக கூறப்பட்டுள்ளது என தெரிவிக்கப்படுகிறது.
