இந்தியா மற்றும் பாகிஸ்தான் போன்ற நாடுகளில் அதிகமாக நிச்சயிக்கப்பட்ட திருமணங்கள் நடைபெறுகிறது. தரகர்கள் மூலம் வரன் பாத்து, திருமண தளங்களின் வாயிலாக வரன் பார்த்து, தங்கள் பிள்ளைகளுக்கு திருமணம் செய்து வைக்கிறார்கள்.
ஆனால், இதில் வேடிக்கையான விடயம் என்னவென்றால், பெரும்பாலான ஆண்கள் தங்களுக்கு வரப்போகும் மனைவி உயரமாகவும், நிறமாகவும், நல்ல ஊதியத்துடன் கூட வேலை பார்ப்பதாகவும் இருக்க வேண்டும் என திருமண தளங்களில் தெரிவிக்கின்றனர்.
அதன்படியே, பெண் பார்க்க செல்லும்போதும், தாங்கள் எதிர்பார்த்தபடி பெண் இல்லை என்றால் அந்த வரனை நிராகரித்துவிடுகின்றனர்.
இதுபோன்ற சம்பவங்களால் நாங்கள் மனதளவில் பாதிக்கப்படுகிறோம் என பெரும்பாலான பெண்கள் கருத்து தெரிவித்துள்ளனர். இதற்கிடையில், ஆண்கள் மட்டும்தான் இப்படி எங்களை நிராகரிப்பார்களா? நாங்களும் அவர்களை நிராகரிப்போம் என பெண் ஒருவர் நிரூபித்துள்ளார்.
Sesh என்ற பெண் தனது டுவிட்டர் பக்கத்தில், என்னை பெண் பார்க்க வந்த ஆணின் முன் பற்கள் நன்றாக இல்லை, அதனால் அவனை நிராகரித்துவிட்டேன் என பதிவிட்டுள்ளார்.
இவரது டுவிட்டிற்கு பல்வேறு பெண்களும் ஆதரவு தெரிவித்துள்ளனர். மேலும் பெண் ஒருவர், நான் அழகாக இல்லை என்ற காரணத்தால் என்னை ஒரு ஆண் நிராரித்தார் என்ற தனது கவலையையும் இதில் பகிர்ந்துகொண்டுள்ளார்.
