ஆர்.கே. நகர் தொகுதி இடைத் தேர்தலில் பா.க வேட்பாளராக கங்கை அமரன் களமிறங்குவார் என்று பா.ஜ.க தேர்தல் குழு செயலாளர் ஜே.பி.நட்டா டெல்லியில் அறிவித்துள்ளார்.
பிரபல இசையமைப்பாளரும், இயக்குனருமான கங்கை அமரன் பா.ஜ.கவில் இணைந்து செயல்பட்டு வந்தார். இளையராஜாவின் இளைய சகோதரர் கங்கை அமரன்.
பா.ஜ.க வேட்பாளராக கங்கை அமரன் தேர்வு செய்யப்படுவார் என நேற்று இரவே தகவல் வெளியானது.
வேட்பாளர் தேர்வு தொடர்பான ஆலோசனைக் கூட்டம் நேற்று பா.ஜ.க அலுவலகத்தில் நடந்தது. ஆனால், அதிகாரப்பூர்வமாக அறிவிக்கப்படவில்லை.
இந்நிலையில், ஆர்.கே.நகர் பா.ஜ.க வேட்பாளர் பரிசீலனையில் கங்கை அமரன், நடிகர் விஜயகுமார், காயத்ரி ரகுராம், கவுதமி பெயர்கள் அடிபட்டு வந்தது.
இன்னும் மக்கள் நலக் கூட்டணி மட்டும் தனது வேட்பாளரை அறிவிக்கவில்லை. நாளை அறிவிப்பார்கள் என எதிர்பார்க்கப்படுகிறது.
