நான் ஈ படத்தில் வில்லனாக நடித்த சுதீப்பின் நடிப்பை ரஜினி பாராட்டியது பழைய விஷயம். அந்தப் பாராட்டின் மூலம் சுதீப்புக்கு ஹீரோவாக வாய்ப்பு கிடைத்திருப்பது லேட்டஸ்ட் செய்தி.
செளந்தர்யா இயக்கத்தில் ரஜினி நடித்துள்ள படம் கோச்சடையான். இந்தப் படத்தின் மேற்பார்வைப் பணிகளை இயக்குநர் கே.எஸ்.ரவிக்குமார் கவனிக்கிறார்.
இந்த சமயத்தில் நான் ஈ படம் பார்த்த ரஜினி கோச்சடையான் குழுவினரிடம் ஏகத்துக்கும் சுதீப்பைப் புகழ்ந்து தள்ளியிருக்கிறார். இந்தப் பையன் நல்லா நடிக்குறான். யூஸ் பண்ணிக்கோ என கே.எஸ்.ரவிக்குமாரிடம் சொல்லியிருக்கிறார் ரஜினி.
தற்போது கோச்சடையான் பணிகள் கிட்டத்தட்ட முடிந்துவிட்டதால், தன்னுடைய அடுத்த பட வேலைகளில் இறங்கியிருக்கிறார் கே.எஸ்.ரவிக்குமார். ரஜினி சொல்லியதால் முதல்கட்டமாக சுதீப்பை ஹீரோவாக புக் செய்துவிட்டார்.
தமிழ், தெலுங்கில் ஒரே நேரத்தில் இந்தப் படம் உருவாக இருக்கிறது. வரலாறு அஜித் போல இந்தப் படத்தில் சுதீப்புக்கு அன்ட்டி ஹீரோ வேடமாம்.
